長者生津 vs 全民退保

話說政府見好多老人家捱餓，諗住每人派個雞尾包，食住先，同時研究長遠點樣扶貧。包數有限，所以淨係派比有需要嘅長者。點知一班自稱幫老人嘅議員跳出嚟，話一定要個個有份，又話雞尾包唔夠飽，一定要政府派义燒飯，否則就連雞尾包都唔准派。政府話，喂，义燒飯唔知夠唔夠錢整咁多噃，要慢慢研究；D雞尾包已經整好，隨時食得，不如食咗先啦？D議員話唔得，一係派义飯，一係乜都唔好派 …

拗吓拗吓，一個喺旁邊等住食嘅老人家，頂唔順暈咗，送院不治。於是政府同議員又開始拗究竟邊個累死呢個老人家。拗吓拗吓，又有一個老人家餓死 .... 結果呢，要捱餓嘅老人家一個一個餓死晒，問題解決，政府同議員又搵第二樣嘢嚟拗 …

註：以上的結局純屬虛構，如有雷同，實屬非常不幸。